Based on how new slangs de quick trend, you suppose don come across this new Nigerian slang “do the calms” for either Facebook or X.
And in case you don de wonder wetin e mean, no be only you waka come. Other people wey don see the slang one or two times sef go want know wetin e stand for.
Meaning of Do the calms
Do the calms na straight forward slang wey mean sey make you chill, or relax. Like e sound for ear, e mean sey make you calm down.
The origin of this trend no too clear but as this T-pain era de choke everybody, temper don rise, and if you do anyhow you go collect wotowoto.
In order to try manage see front make kasala no burst for your head, social media people go tell you say make you do the calms.
This guy is soo fuxkingggg weird… 😂😂… I checked the music and I was underwhelmed.. And the werey go dey form celeb for him fellow upcoming….
Boy you’re not all that yet, do the calms😂😂— PEN GAME HASHIRA (@Ic3Wrld) September 26, 2024
Social media usage
No be only for T-pain matter them de use do the calms. Another thing wey you fit observe for social media be sey, men and women no de gree for themselves again.
Now for social media na brotherhood Vs. sisterhood, and e be like the fight no go quick end. And sometimes the fight the bloody.
When such fight start you go find people de talk sey make them do the calms so that tension go come down.