Di Economic and Financial Crimes Commission, EFCC, don arrest four Chinese men and 101 Nigerians for one apartment for Gudu, Abuja for suspected internet fraud (Yahoo).
Di commission reveal di arrest for their X handle sey them arrest some Chinese men and Nigerians on Thursday, January 9, 2025.
“Di suspect wey we arrest an 67 males (plus 4 Chinese men) and 38 females we de do hotel review job to scam hotel owners for Europe and other countries in the world.
We go charge them to court when we finish all di investigations wey we de do”.
JUST IN: EFCC have arrested four Chinese and 101 others for suspected internet fraud in Abuja pic.twitter.com/GF1EgGJuxq
— Nigeria Stories (@NigeriaStories) January 10, 2025
EFCC tackles internet fraud
As their fight against yahoo de go, di Economic and Financial Crimes Commission don make significant progress in months.
In October of 2024, them arrest 10 people wey later go jail for matters relating to yahoo.
After plenty investigations and court charges, di suspects plead guilty to yahoo, impersonation and other related matters.
In December 2024, two months later, EFCC carry out their largest scam crackdown wey involve crypto currency and romance scam. Di scam involve 792 suspects for Lagos. Out of di 792 suspects, 158 na foreigners and 634 na Nigerians.
EFCC dismisses 27 officers
As part of their fight against corruption, di commission talk recently sey for 2024, them dismiss 27 of their members for misconduct and fraud.
“As di commission de try maintain integrity and remove mago mago people for their workforce, EFCC don dismiss 27 Officers for 2024 after recommendation from Staff Disciplinary Committee wey di Executive Chairman, Ola Olukoyede lead”.
Na so EFCC spokesperson, Dele Oyewale talk.
