Clapback or Comeback na new slang wey don dey enter many people gist. Any small thing for x, you go hear “weak comeback” or “mad comeback”.
Both words mean the same thing and you fit use them anyhow you like but , make we look at their real meaning.
Comeback or clapback na reply wey them de give especially when na drag una dey drag una sef.
If person find your trouble and you reply them, na your comeback be that.
Example of a comeback na the Gbas gbos between South Africans and Nigerians for the aura for aura challenge wey happen for social media.
South Africans first throw their Gbas, Nigerians come give them gbos. The gbos wey Nigerians give naim them de call comeback.
But no be for every thing them the use comeback. For instance, comeback usually when de fight na through words or texts.
Similar slangs
Other words wey get similar meaning to comeback or clapback na, gbas gbos, aura for aura, do me I do you.
