Di Anambra State Police Command don launch investigation into di killing of one unidentified middle-aged man wey unknown gunmen shoot for Onitsha-Owerri expressway.
According to eyewitnesses wey decide to remain anonymous, di armed men attack di man on Thursday, January 23, 2025 come shoot am for belle, leave am to die for di scene.
“Di attack happen along Onitsha-Owerri expressway. Gunmen wey de ride for inside Toyota Sienna shoot di victims for stomach come leave am to die before them run. Di police operatives attached from Ozubulu Division come di following day come move di body”.
Fear Grips Anambra Community As Police Recover Body Of Man Shot Dead By Suspected Gunmen | Sahara Reporters https://t.co/eiKpnDFre6 pic.twitter.com/V8YLOjY8Jv
— Sahara Reporters (@SaharaReporters) January 28, 2025
Police launches investigation to identify nan killed by unknown gunmen in Anambra
In one statement released by di Police Public Relations Officer, SP Tochukwu Ikenga, talk sey them recover di body of di victims after then receive distress call about di incident.
“Inside di early hours of January 23, 2025, police operatives wey them attach to Ozubulu Division Headquarters respond to one distress call along Onitsha-Owerri expressway to recover di body of one yet-to-be-identified young man”. Ikenga said.
Ikenga assure di community members sey di command dey on top di matter as serious investigation don already start to fish out di culprits and also identify di victim.
“Di Command de find assistance from members of di public to help identify di victim and provide any information wey go fit aid di investigation wey de go on. So far, them don go deposit di body for mortuary, pending when di investigation go conclude”.