This T-Pain era don make even traditional jobs no dey enough to survive di country.
Normal 9-5 jobs salary fit dey enough to pay some bills, but bills de increase everyday. As the bills de increase, di only way to stand well na if you get another source of income wey go reduce di stress for your shoulder.
For this list of top 10 side Hustles for Nigerians in 2024, you fit find one or two take hold body and soul together.
What are side hustles?
Side hustles na small small jabs, businesses or activities wey fit fetch you money outside your normal career, or job. Usually you no need go school to learn these side hustles because them no de take too much time to learn.
Some examples of side hustles na online survey, drop shipping, babysitting, delivery business, content creation, laundry, house cleaning agent and affiliate marketing.
Benefits of side hustles
Side hustles fit no de bring big money like government work, but e get many benefits wey you go enjoy if you get side hustle to support your job.
Extra income
Side hustle de give extra money wey fit serve as emergency funds for you whenever your salary never come. For people wey de do monthly contribution, having side hustle go help you pay your contribution money on time.
Flexibility
Side hustles no de take plenty time. You fit de run more than one side hustles because e dey easy to run.
Skill development
Many side hustles go teach you new skills wey you no sabi before.
Reduced financial burden
Side hustles de help reduce di load wey dey your salary. You fit solve some of your gbese with side hustles so that you no go touch your salary.
Multiple streams of income
Side hustles go health you get more than one source of income so that your mind no go cut even when them never pay your salary.
Autonomy
With side hustle, nobody go sack you, na you be di CEO of your business.
Tips to getting a side Hustle
Side hustles dey sweet to hear but no be every body go fit everybody. Before you choose any side hustle, first look at this tips for guidance:
Identify your interests
Before you choose any side hustle make sure sey na something you like, and you fit do.
Research about it
Do small research to know the things involved in di side hustle wey you want do. Know the problems wey other people wey de do am don encounter so that you go fit avoid am.
Set goals
Know wetin you want use di side hustle achieve before you start am. When you set goals, you go plan better.
Start small
Some people de like to do big things, but if you de enter new business, start small den you go grow later.
Learn and Adapt
Nobody sabi pass, so e dey okay if you no sabi everything from the beginning. But open your mind so that you go learn.
Be consistent
Be patient with yourself make you grow, business na consistency de grow am, no be magic.
Top 7 side hustles for Nigerians
WhatsApp Tv
Running ads on WhatsApp na very lucrative business because many people de do their businesses for WhatsApp, so if you get enough people for your contact, WhatsApp Tv go fetch you good money.
Social media management
If you get data and smartphone wey fit do social media, social media management.
Blogging
Amebo de sell for Naija pass garri, because of high level of unemployment wey dey di country, many people get enough time to engage blogs wey go give them gist.
Content creation
If you de wonder why content creators don full for Naija, na because of di money wey dey di business.
Affiliate marketing
Affiliate marketing na business wey don dey since but many people no sabi sey money dey inside. When you help person market their products, you go get percentage for their profit.
Online tutoring
You can make money from arranging online tutorials for students both secondary school students or University students. Or you can teach your skills to other people wey want learn and make money.
Testing products
Some brands de pay people to test their new products before them launch them.
Conclusion
In this current economy, everybody need more than one source of income to guide, unless you get government job wey dey pay well,
or you be politician. These top 7 side hustles na some of the best ways to survive.
