Kebbi State Police Command don arrest two murder suspects for Shanga and Zuru Local Government Areas in Kebbi State wey dey in connection to two separate murder crimes.
According to di statement wey di command spokesperson, CSP Nafiu Abubakar release, di police arrest Yunusa Haruna because of murder wey him commit on Dec. 31, 2024 around 8:00 pm for Bakin Turu village in Shanga Local Government Area for stabbing his elder brother Isiyaku Haruna to death.
“Di suspect attack di brother with very sharp knife during an argument which lead to di death of di brother”. Immediately them report di case, police arrest Yunusa.
Man stabbed in the head in Kebbi State
In another news, di police command in Kebbi State record another violence as one Abubakar Umar, stab Mohammed Bala for head, killing him instantly.
“On January 8, 2025, around 4:30 pm, 25 years old Abubakar Umar for Jarkasa in Zuru Local Government Area, stab Mohammed Bala in di head with a knife during quarrel, killing him instantly.
“Them report sey Umar still injure Mohammed younger brother, Sama’ila Bala in di process. Police officers from Zulu Division police headquarters sharply arrest Umar”.
Di commissioner beg with people make them report any dispute wey them get instead of taking matters into their hands.
Him also assure di public sey them go charge di suspects to court after them finish investigation.
