One Lagos Federal High Court don order make them detain one Rejoice John, alias Success, for allegedly trafficking three girls to Ghana for prostitution.
Di judge presiding over di case, Justice Chukwujekwu Aneke on Wednesday decide to remand di woman until when them go do di hearing and ruling for her bail application.
For di case wey them mark FHC/ L/ 829c/ 24, John de face up to five counts bordering on deportation, harbouring and organized foreign travel for prostitution.
Lagos court has remanded a woman for trafficking girls to Ghana for prostitution pic.twitter.com/9SkqC2XyQY
— Naija (@Naija_PR) January 30, 2025
According to wetin di National Agency for di Prohibition of Trafficking in Persons NAPTIP, tell di court, John, alias Success, been traffic di girls go Ghana for prostitution.
Di prosecution counsel for NAPTIP, U. I. Egonu reveal sey this event happen between June and September 2024, when John from Godwin Compound in Oku Uruan, Akwa Ibom State been come back from Ghana to Lagos.
Later on she organize for di travel of one 22 year-old to go to Ghana for prostitution.
As Egonu tell di court, between June and September 2024 after John’s deportation, she don arrange make three girls travel, one na 22 year-old, one na 21 year-old and another 22 year-old.
Woman pleads not guilty of trafficking charges
After them carry John alias Success enter court, she plead not guilty to di charges against her.
Di prosecutor wey dey represent NAPTIP ask sey make di court remand her while then go wait for trial date.
Defence counsel E. O. Ajoku tell di court sey di defendant been file bail application and make court grant am.
The counsel talk sey di offence na bailable offence but di prosecutor don oppose di move based on how serious di matter be and di implication wey e get for di country.
After hearing from both sides of di argument, Justice Aneke adjourn di case to February 5, 2025.
Meanwhile him don order make them remand di defendant for Kirikiri Correctional Center until di next hearing.
