President Bola Tinubu don increase di proposed 2025 budget from ₦49.7 trillion go ₦54.2 trillion, say na because of extra money wey key government agencies generate.

Tinubu send letter give Senate and House of Representatives to inform dem about di budget adjustment, and Senate President, Godswill Akpabio, read di letter for plenary today.

Breakdown of the increase

According to Tinubu, di extra money wey cause di increase na ₦1.4 trillion from Federal Inland Revenue Service (FIRS), ₦1.2 trillion from Nigeria Customs Service (NCS), and ₦1.8 trillion wey oda government agencies generate.

Tinubu Increases 2025 Budget To ₦54.2tnhttps://t.co/vbVouY45Gs pic.twitter.com/f0vUOphrCB

— Channels Television (@channelstv) February 5, 2025

After di announcement, Senate President send di request go Senate Committee on Appropriations make dem check am quick. E assure lawmakers say di budget go ready before February end.

With dis new development, National Assembly go speed up di process to make sure say dem approve di 2025 budget on time.