Former spokesperson to ex presidents Olusegun Obasanjo and Goodluck Jonathan, Dr. Doyin Okupe pass away at 72.
Di late presidential spokesperson wey hail from Iperu-Remo for Ikenne Local Government Area of Ogun State pass away at di early hours of Friday morning. Sources reveal sey Okupe been dey sick for some time before finally passing away in Lagos.
Before him political career, Okupe been de practice him medical career as a doctor where many people been sabi am as Dr. Doyin Okupe.
With great sadness this morning, I received the shocking news of the death of my dear elder brother, Dr. Doyin Okupe. On behalf of the family and the Obidient family, I sincerely mourn his passing.
Dr. Okupe was an active figure in the nation’s political space and a man who… pic.twitter.com/QyJBaSXZNs
— Peter Obi (@PeterObi) March 7, 2025
LGA Chairman mourns ex-presidential spokesperson, Dr. Okupe
Di Chairman of Ikenne Local Government Area, Jamin Ashimi don confirm di death of di politician. Speaking with Punchng., Ashimi talk sey, “I just confirm di tragic news of di passing of Dr. Doyin Okupe. May him soul rest in peace”.
Another person wey confirm di news na di Asojimba of Isara Remo, Chief Michael Adesanya. Him talk sey, “Them confirm di death of Dr. Okupe early Friday morning for Lagos”.
What to know about Dr. Okupe’s political career
During him political career, Okupe been serve as di Special Assistant on Media and Publicity to president Olusegun Obasanjo. Him later serve as di Senior Special Assistant on Public Affairs to President Goodluck Jonathan.
After some time, Okupe resume as di Director-general of Peter Obi’s 2023 presidential campaign, but him no hold di position for long.
In December of 2023 Okupe been step down form di position of Director-general due to some controversies bordering on breach of money and laundering acts.
After him resignation, di 72 year-old Dr. been decamp to All Progressive Congress party, APC as a supporter of president Bola Ahmed Tinubu’s tenure.
Peter Obi mourns ex-DG to his presidential campaign, Dr. Doyin Okupe
In one statement published on his X page, Labour Party presidential candidate, Peter Obi de mourn him ex-campaign DG Dr. Okupe.
“With great sadness this morning I receive shocking news of di death of my dear elder brother, Dr. Doyin Okupe. On behalf of di family and di Obedient family, I sincerely mourn his passing”.
Obi describe di death of di late politician as a “profound loss for di nation “ as him urge Obedients to pray for his soul.
“May God Almighty who’ll called him home grant him eternal rest and grant his family, and all of us, di fortitude to bear this sad irreplaceable loss”.
