Wetin be the meaning of Brother Benard
The slang “Brother Bernard” begin dey trend for social media after one woman jump enter the open grave of Reverend Father Bernard during him burial for Ghana, dey shout, “Ah! Brother Bernard!”
How E Begin Trend and How People dey Use am
Social media come turn di event into funny memes, and since that time, dey don dey use di slang take shade some kind shame shame moments of people wey fall as dem dey waka for street, or slip and fall down for staircase, or football videos wey footballer dey dribble andother footballer, and other funny moments. For example, you fit imagine say person wey dem dey pursue come jam with woman wey dey carry crate of eggs on top head for street. As you fit imagine, the crates of eggs wey dey her head go come fall for ground, and person go shout, “Ah! Brother Bernard!”
Brother Bernard💔😂 pic.twitter.com/4NIiMptKQm
— Skinycomics (@skinycomics) June 5, 2024
People fit still use di slang, “Brother Bernard” take describe situations of disappointment, like when relationship or school life fail you, or any disappointing situation wey person fall your hand do wetin you no expect. If your friend chop breakfast for relationship, you fit dey use am catch cruise like say you dey disappointed come tell am, “Ah! Brother Bernard! So, you fit chop breakfast?” Or when you find out say that coursemate wey dey act like say he sabi everything and dey oppress other students with brain later fail the course wey he don always dey brag about. You fit funnily express your disappointment by saying, “Ah! Brother Bernard!”
Who added this Brother Bernard sound now now? 😭
President Bola Ahmed Tinubu needs to go and rest. pic.twitter.com/HQwETg9rI2
— 𝐀𝐤𝐰𝐚 𝐈𝐛𝐨𝐦 𝟏𝐬𝐭 𝐒𝐨𝐧 (@ukocarter) June 12, 2024
