Everybody dey find skills wey them go learn make them improve their income. As minimum wage sef no fit buy bag of rice nowadays, e good make you learn courses and skills wey dey very important now.
Since the whole world don become like global village, you no need to sit for inside classroom before you go learn, you fit dey your house learn very important course wey go change your life.
Na why we de list top 10 best online courses for Nigerians in 2024. These courses na courses wey some top foreign companies go hire you if you learn am well:
Graphics Design
Graphics design no just dey popular for popularity sake. Na very good course wey if you learn, you go become graphics designer de design different things like logos, flyers, banners and many other things wey fit fetch you money even if you no get government job.
Web Development
Website development or web development ma course wey de teach people how to develop website. All the websites wey you de open online, na person design am, and you sef fit do am if you learn am.
UI/UX
UI/UX na like senior brother to graphics designer. UI/UX designer naim de design how website de look like or how app de look like and how e go take function.
UI/UX de sometimes sound like web development but no be the same thing like that. Web development go require make you sabi coding but UI/UX no really need coding like that.
Video Editing
Content creation now be like oil money, na there money dey because them don monetize all the social media platforms like Facebook, Twitter, TikTok and Instagram. To be a good content creator, you gats sabi how to edit your videos well well make them go viral.
Virtual Assistance
Virtual Assistance or VA na another course wey people no sabi sey money dey am. Especially for people wey no get job at all at all, na one sweet way to earn in dollars because most times, na oyibo people de find virtual assistant make them hell them run one or two. For you to become a VA, you go learn Virtual assistance online.
Social Media Management
Busy people de always find people wey go help them manage their pages. And the pay sef good. If you learn social media management, them go teach you some kind things like content writing, video editing and other apps wey you go use manage the pages.
Affiliate Marketing
Affiliate marketing start to trend for 2021 after lockdown, but some people still dey doubt am because of the many ponzi schemes wey don chop people money. But affiliate marketing na wetin some of our brothers from the east don dey do since for market de take earn legit money. By referring people to buy something, you go get your own cut for inside the money wey them pay.
Social Media Advertising
Advertising on social media na another good course wey go help you earn good money. You no need to sit for class for four years to learn am, some online academy de teach am.
Data Analytics
Everybody now wan learn Data Analytics and e get why. Data Analytics de fetch boys money like mad because top companies de find people wey go collect and analyze their data for them. You fit work for bank, or one ogbonge industry wey dey abroad all from the comfort of your house. Even to learn am, you fit learn am from house.
