As everybody dey try make them see front, other underground matters de sup low-key.

One of the matters na sey, EFCC been arrest 14 Yahoo Boys suspects for Makurdi, Benue State capital. This arrest happen on Wednesday, August 21, 2024 for along federal low-cost housing estate, Makurdi.

Inside the arrest, the EFCC come recover some items wey the Yahoo boys keep for their crib.

Some of the items wey EFCC recover include, oraimo power bank, Tecno phones, Dell laptop, other phones and some juju wey them keep as well.

Them no stop there, them come release the names of some of them for social media, and the names include, Austin Okwori, Osita Idoko Valentine, Scott King David, Thomas Ifebuchi, Akor Kelvin Oche, Henry Adah, Scott Kelvin Inalegawu, Ogbu Stephen Alpha, Samuel Moses, and Ogbonna Chukwuaogwu.

Other names na, Mustapha Nasir Adinoye, Syvanus Samuel Ogbu, Emmanuel Adamu and Samuel Otene.

The EFCC team wey arrest them talk sey, them go soon carry them go court as soon as them finish all the investigation.