The long waiting period don finish and people wey mine Hamster Kombat for $HMSTR de wait for their airdrop day.
After 6 months of mining Hamster CEOs don finally de count days to their airdrop.
The announcement for this airdrop come after $Dogs launch their coin and ever since, Hamster CEOs don dey expect their own launching and listing make them too cash out.
Based on how Hamster trend, many people expect sey e go launch well and them go Cahsout big, but the pre listing price don make some CEOs de vex.
Inside one post wey trend for social media, one Pharmacist, Pharm. Musa resign from him work to focus on mining because him believe sey $HMSTR go pay am wella.
In another post, e show as one hospital been paste a circular for their workers. Inside the circular them de warn the workers dey make them stop to dey mine coins when them dey work. And if them catch anyone mining during working hours them go penalize the person.
Other people been plan to use the money build house, marry come start new life for new country.
Pre listing price for Hamster na between $0.001 to $0.14 which dey very low compared to other coins wey been launch earlier this year. E come make Hamster CEOs de question wether them waste their time.
