Gbese na slang wey don too tey for Naija people hand. Even people wey no be Nigerians suppose don here “Gbese” one or two times.
But wetin truly be the meaning of Gbese wey we don de talk about since?
Gbese na another Nigerian slang wey come from Yoruba people and e get two meanings depending on how you use am.
Meaning one: the first meaning of Gbese na trouble. You fit still talk sey na another name for wahala.
Meaning two: the second meaning of Gbese na to borrow money.
I don risk am, hin later turn to gbese😭😭 pic.twitter.com/1jonemjyjr
— INCARNATE ⚽️🦍🤡📿 (@incarnate_13) July 31, 2024
The two meanings take relate somehow but them no be the same thing.
For example, you fit dey inside Gbese make you no de owe person money. One good example na when Bobrisky abuse Naira for the party wey him attend. As him abuse the naira, him enter Gbese na why them arrest am.
Another good example na how Nigeria dey always borrow money from China. That one now mean sey, Nigeria get gbese wey him supposed pay.
