Otilor na Yoruba word wey don turn to Nigerian slang. For Yoruba, otilor means “e don go” or “e don finish “.
Na the same meaning for Nigerian street language be that but how them de use am dey different small. Otilor dey fit inside situations wey water don pass garri.
Otilo😭😭😂 pic.twitter.com/I2jaKs7Lps
— 𝔸b𝕒𝕫𝕫 (@abazwhyllzz) December 28, 2023
E fit be when kasala burst or when yahoo boys collect your money. Sha any situation wey e be like e don be for you, na otilor them go take describe your case Say for example inside this T-pain era wey things hard well well, if you carry your school fees play sportybet, and them ask you “what is Cahsout?”, na otilor for you.
