Tuama na one among di Nigerian slangs for 2024. Na street language wey Nigerians don adopt am. As many people de use am, e good to understand wetin e mean and how to use am well.
Meaning of Tuama
Tuama means to run away or to disappear. If person talk sey him wan Tuama, e mean sey him wan leave that place ASAP.
Di real origin of Tuama no too clear because, e just start to trend, but Nigerians don adopt am as one of the 2024 slangs wey comot.
My friend d nack hausa woman wey don marry o… Sotey her last child na my guy get am.
I go dey my guy house, this woman go show to collect preek. I go just tuama.
Funny thing, the lady was my classmate in Jss 1. 😂
— Web3.sol (@denizsmart01) September 21, 2024
Social Media Usage of Tuama
Them de use Tuama to narrate when person don run or varnish, especially of di person get gbese or kasala don burst for e head.
Example :
“The person wey dey hold Ajo money don Tuama”.
This one mean sey di person wey de hold contribution money don run with di money.
Another example:
“Some yahoo boys Tuama when them see police “.
This one mean sey, di yahoo boys run when them sight police.
Synonyms of Tuama
Just like every normal Nigerian slang, Tuama get other words wey nearly get the same meaning with am. Some of the words na:
1.Japa/jakpa
Japa na slang wey mean sey to run or to migrate.
2.Mya
Mya and Tuama na both new trends wey comot for inside 2024. And then mean the same thing. Mya meaning na to leave.
