Few days ago China announce di launch of their open Ai wey according to them, e go overthrow other leading Ai like ChatGPT.
After this announcement, news agencies don report sey, many American tech businesses lose money as China launch their Ai.
As a developing country wey Naija be, them decide join di conversation to discuss di future of tech in Nigeria and what role Nigeria get to play for di Ai discussion.
What to know about DeepSeek
DeepSeek na Chinese startup company wey dey develop softwares.Of recent them announce di launch of their latest Ai models which according to them, e dey sophisticated enough to not only compete with other existing and leading models in di United States of America, but go overthrow them.
Di interesting thing about di matter be sey, according to di company, them use less than $6 million to develop di software which if you compare to di $500 billion wey America budget for their own Ai development, na cheaper option.
He is Liang Wenfeng, CEO of DeepSeek AI. 🚀
5 years ago, he walked away from Wall Street to chase a dream.
His insane journey will blow your mind. (Read below) 👇 pic.twitter.com/iMx7zdSJtf
— Shruti Mishra (@heyshrutimishra) January 27, 2025
Why DeepSeek is causing a stir in U.S tech industry?
Since di announcement and launch of DeepSeek, a lot don dey sup for U.S tech industry especially their Ai development niche.
Many big sharks in di game don lose bar like Nvidia, one big tech company don announce sey them lose $589 billion in one day, all thanks to DeepSeek.
More fit still lose money as time progress. This na one of di reason why plenty pandemonium the happen for US tech industry right now.
Not only that, there’s more to di story of why there’s so much uproar because of di launch of DeepSeek. Let’s throwback small to 2022 when America been launch their ChatGPT.
In late 2022 when America first launch their ChatGPT, e destabilize many Chinese tech firms which challenge China to go and develop their own chatbots powered by artificial intelligence.
Soon China release their own chatbot, Baidu, which based on wetin them project, was supposed to compete with ChatGPT. But after critical comparison, them realize sey ChatGPT been dey miles ahead of Baidu in every way. This realization touch Chinese tech firms.
China decide go back to their drawing board go cook DeepSeek. With di quality performance and cost effectiveness of DeepSeek, di game don change in favor of Chinese tech firms.
Silicone Valley executives endorse DeepSeek
Them sey what is worth doing is worth doing well and na wetin China use their latest Ai models demonstrate be this.
Sotey, their opponents for Silicone Valley and other U.S tech company engineers don agree sey them really do well.
Based on comparison, DeepSeek-V3 and DeepSeek-R1 dey on di same level with OpenAI and Meta’s most advanced models.
Not only that, e dey cheaper to use depending on which task you want make e perform. Di DeepSeek-R1 dey 20 to 50 times cheaper than OpenAI o1 model.
The future of Ai in Nigeria
Like every other country wey wan advance, Nigeria don join di discussion to talk about which roles Naija fit play for this Ai battle wey de happen for advanced countries.
Some reactions from X users like @OnyekachiOlolo talk sey “wait a minute, di world dey move too fast, e dey burst brain, people don dey freeze.
We de hear about DeepSeek R, Kimi, and all other revolution conversations, all dey for inside speed lane, make them wait for Nigeria, we still de try sort our tribal issues with no education and power supply “.
@kelvinsekx give him own take sey, “E be like you no fit ask DeepSeek anything about China. I just ask am to compare Nigeria and China in di 60s. E just load stop”
@Rey_ChelleO talk sey, “DeepSeek dey ake over, Nigeria dey quiet. But once them hear sey Tuface de divorce Annie, them go de make noise “.
Conclusion
As many others try to air their opinions, there’s no clear sign sey Nigeria don ready for di new world of tech as e still de battle very basic amenities and other issues like religion fanatism, tribal bigotry, nepotism, corruption and others.
