During an operation in Gudu Local Government Area of Sokoto State, di Lakurawa terrorists attacked and kpai five soldiers.
According to one statement wey Lt. Col. Abubakar Abdullahi release, di operation been dey very heated and in di process, them neutralize six of di terrorists but also lose five of their soldiers.
“Di troops been recover di following items during di operation, 4 AK 47 riffles, 160 rounds of 7.62 mm ammunition and 1 box of 12.7 mm ammunition. Even as di operation been dey successful, we lose 5 gallant soldiers “. Na so do statement read.
Him go ahead to tell members of di public make them shine their eyes well well and report any suspicious activity for Gudu Local Government Area or di surrounding communities.
Nigerian Army provides free Health Services in Sokoto
In di spirit of their Armed Forces Remembrance Day celebration, di 8 Division of Nigerian Army for Sokoto decide to provide free medical services to more than 5,000 residents of Gidan Gabas for Dange/Shuni Local Government Area, Sokoto State.
This event happen on Monday, Jan. 13, 2025 during which di Officer Commanding 8 Division, General Hadari Daji and Commander, Sector 2 of Operation, Major Gen. Ibikunke Ajose talk sey di initiative na to reflect on Nigerian Army’s commitment to social responsibility and to provide relief to communities wey need am.
