Valentine’s Day dey by di corner and we don already dey perceive sey love dey for air.
Wahala for who no get lover this Valentine month, because relationship people don prepare to spray pepper for atmosphere with some awesome ideas on how them go take shower their lovers with gifts.
Normally we know sey valentine’s day na time for lovers to express their love for their significant other through sharing gifts, spending quality time together and more.
If you don dey plan to spend quality time with your lover and you no too hold bar, no panic, because with these top 10 getaway ideas for Valentine’s day in Nigeria, even if you no travel abroad, you go experience maximum satisfaction with your loved one.
Top 10 romantic getaway ideas for Valentine’s Day in Nigeria
Ikogosi Warm Spring
Beautiful Ikogosi warm Spring resort in Ekiti 🤩 pic.twitter.com/K8Wcro3K5t
— Yorùbáness (@Yorubaness) December 9, 2024
Ikogosi Warm Spring dey located for Ikogosi, Ekiti State. In di midst of large mountains, this spring don form to give nature di platform to display itself.
You can enjoy the warmth of the spring in broad daylight while admiring di natural environment of shrubs, large mountains and di fresh air wey dey di side.
Kajuru Castle
Kajuru Castle wey dey located for Kaduna state na replica of ancient European castles wey dey house royalties.
This castle dey more befitting for people wey dey call themselves my king and my queen. Di castle go provide a good kingdom for both of una.
Whispering Palms
Whispering Palms na another good site for lovers to enjoy a quiet time. An open environment wey go give you a great view of nature while you sip you desired cocktail with your lover.
Obudu Ranch
Obudu Cattle Ranch
Located in Cross-River state
this is the most popular tourist attractions in Nigeria. it’s is actually located on a plateau at the Sankwala mountains. It’s weather conditions here are amazing pic.twitter.com/5SuZHj7Ql0— Nigeria Stories (@NigeriaStories) December 17, 2024
Obudu Ranch na familiar name when it comes to romantic getaways for couples. You can decide to go with just your partner to enjoy this calm and chill environment, or even carry your children along so that them sef go enjoy nature’s presence.
Whichever one you choose, di ranch dey equipped to handle all your vacation ideas and fantasies.
La Campagne Tropicana Beach Resort
This beach resort dey located in di heart of Ijegun for Lagos State. For both nightlife and daytime enjoyments, you and your lover can spend a good time here with other lovers.
Di beach resort dey get assorted dishes, juices and sometimes organized parties with fun games dey go on.
Epe Resort and Spa
Di Epe Resort and Spa dey along Lekki-Epe Expressway. Na di perfect location for very hardworking couples wey want total relaxation during di valentine period. Di resort get in-house spa wey you and di love of your life fit relax while person go work una body.
La Manga Luxury Beach Villas
La Manga Luxury Beach Villas na one of di top relaxation centres for Lagos. A well planned dinner by di water while you look at di love of your life and remind them why you go choose them over again.
Omu Resort
Omu Resort along Asiwaju Bola Tinubu Way Lagos na very serene place for lovers to take a break from normal boring life and just have time for themselves.
Di resort get poolside for a more natural environment as well as bars and fine dining with di best Nigerian dishes.
Lekki Leisure Lake
Sun, sand, and serenity 🌊😍
📍Turtle Bae by Boxmall Company, Elegushi Beach, Lekki, Lagos
💳 Entry fee: ₦3,000 per person pic.twitter.com/M36f06t8IY
— Awe Lagos (@AweLagos) December 6, 2024
At Lekki Leisure Lake, una fit go on boat cruise and other games and fun activities wey involve water. If your spirit element na water, you go enjoy am pass as di sounds of waves and moving water go calm your nerves, giving you two di opportunity to clear your minds.
Inagbe Grand Resorts and Leisure
Inagbe resort dey located for di famous Lagos lagoon. This resort get different types of relaxation activities for both couples and singles.
Even if you no get lover, this resort na perfect destination for a home-away-from-home experience as it gives a familiar yet new experience of freedom, calmness and nature.
Conclusion
Even as e be like sey valentine’s day na only for couples, di main idea for Valentine’s day na to show love as di day was set to celebrate St. Valentine.
Even if nobody don gree love you because of bad character, or you never find person wey you go accept e own bad character, you fit still show yourself love by visiting di above mentioned places just to relax and enjoy yourself.
