Police for Ireland don arrest two men relating to di death of one 34 years old Nigerian wey de seek asylum for Ireland.
Quam Babatunde na di Nigerian man wey them stab to death for South Anne street, for Dublin city center on Saturday, February 15, 2025.
Di PSNI arrest one of di men wey him identity still dey unknown for Belfast as him de try board ferry.
And him currently dey for police custody for Northern Ireland.
Another of di suspect in his 20s also dey for police station for Dublin region after di Gardai for Dublin arrest am.
A Nigerian asylum seeker was stabbed to death in a 'barbaric' attack just off Dublin's main shopping street.
Quham Babatunde, 34, a Nigerian national, had reportedly been attending an Afroswing gig at a nightclub in the Irish capital .
He was treated by emergency services at… pic.twitter.com/EXSpfXwJx9
— 🎙OLUOMO OF DERBY 🇳🇬 🇬🇧 (@Oluomoofderby) February 17, 2025
According to reports di two suspects been decide to spilt up before them discover di incident.
Gardai find Babatunde for di scene where then stab am. Them try treat and clean am up before taking him to di hospital where them pronounce am dead on arrival.
Before him death, Babatunde been de live for Ballyogan accomodation centre or South Dublin while them de process him application for international protection.
Minister of Justice, Jim O’Callaghan talk for statement wey him give during press briefing sey him dey get updates about di matter from gardai, and “Dubliners deserve to feel safe in our city”.
Gardai get correct CCTV for di incident wey happen. Sey people been dey for club, from di club fight come start some people come comot outside, na for their di incident take happen “. O’Callaghan tell RTÉ radio during press briefing.
Additionally, di minister talk sey, “nobody suppose carry knives for Ireland, and we no fit allow ourselves turn into society wey young men go de carry knives, e no dey acceptable “.
Ogun State Police launches manhunt for late officer’s fleeing companion
In other news, di Ogun State Police Command don launch manhunt for one unidentified lady after them find one inspector Haruna Mohammed dead for him hotel room.
Di late inspector and him companion been lodge for Super G hotel around 1:00AM for Saturday February 15, 2025.
After some hours them discover di man’s dead body while di lady was nowhere to be found.
According to di hotel management, di lady been comot request for bottle water from di reception around 6:00 AM. Later on them discover di room door open around 8:00AM. When them open di room them discover di man’s body.
So far, di police still de search for di woman while conducting investigation on di possible causes of the man’s death.
