Bole na one food wey Port Harcourt people de chop well well. Na roasted plantain wey them de combine with other orishirishi like roasted ground nuts, fried ice fish, bole sauce or kpomo.
Even as na for Rivers State Nigeria this food start from, many other states for Nigeria don de chop am too.
To celebrate their culture, Rivers people de organize bole festival every year and the festival don grow sotey them sabi am even outside Nigeria.
E choke🔥🔥🔥#BoleFestival2024 #RhythmnVibration #BoleFestival pic.twitter.com/orYiaYdMKA
— Bole Festival 🇳🇬 (@BoleFestival) September 1, 2024
What is Bole festival?
So far, Bole festival na de biggest food festival for Africa and e dey sup for Port Harcourt, Rivers State capital.
Na one Mr. Kennedy Nonso Iwuh naim start this festival for 2016 with just 300 people wey attend am.
Since that 2016, the festival don continue to grow and now, all Rivers people, ko the ones wey dey house and the ones wey don comot go hustle for greener pastures for other states the come back come celebrate bole festival.
