Imo State Police Command don arrest one businesswoman, Edith Nwachukwu for child abuse.
Di woman dey always beat her 13 year’s old house-help, Kelechi Ejieke.
Members of di Owerri Urban Divisional Police headquarters arrest di 35 years old after them rescue Kelechi for Relief Market in Owerri, di Imo State capital.
According wetin di arrested Nwachukwu talk, her reason for beating di house help na because she tiff her money.
One Journalist, Chidiebube Okeoma and other market women call di police for Nwachukwu after them see her beating di house-help.
Police in Imo State have arrested 35-year-old businesswoman Edith Nwachukwu for allegedly battering her 13-year-old house help, Kelechi Ejieke. pic.twitter.com/OhN4zPEfyv
— Naija (@Naija_PR) January 23, 2025
Okeoma who also be di founder of Stand for Humanity Foundation talk sey di markets forcefully rescue Kelechi after Nwachukwu wound am, wetin dem see as child abuse, still order make them bring ten more canes make she continue to beat am.
Police emphasize zero tolerance for child abuse
Di spokesperson for Imo State Police Command, Henry Okoye talk sey di Commissioner of Police, Aboki Danjuma, dey highly against child battering and other forms of abuse.
Okoye assure di public sey investigation for di matter don already start.
