Understand wetin steeze mean
For Naija, slang dey show face sharp sharp, plenty words don trend and dey part of our everyday talk. Inside dis slangs dem, “steeze” and “drip” don dey popular, and we go show how we dey use am for Naija.
Steeze vs. Drip: Clear di Confusion
Both “steeze” and “drip” dey talk about style and presentation, but dem get different meaning.
Drip:
This word dey really describe when pesin appearance make sense, especially if e dey rock clothes and accessories wey cost well well. When person talk say, “That guy get mad drip,” e mean say him dress well, and e dey stylish, sake of say e dey wear brands wey cost.
Steeze: This word na mix of “style” and “ease,” e mean say person get him own special style. This one no be to dey wear expensive tinz but na how person carry himsef with confidence and swag. Person wey get steeze no dey follow trend, na dem dey create their own, make dia fashion match dia character.
Wetin be Steeze?
For Naija context, steeze na to maintain calmness and composure. E mean say person fit stand out without too much stress. Na mix of character, swagger, and personal style wey dem fit use recognize pesin. Unlike drip, wey go need brands wey cost well well with shine shine everywhere, steeze na to fit make anything make sense because of who you be and how you wear am.
How we dey use di slang “Steeze” for Naija
- Social Media Flex: For Instagram or Twitter, you fit see captions like, “Just rocking my steeze,” follow with picture wey the person dey maintain maximum compusure with their special outfit. E mean say dem dey showcase their personal style, no be to dey wear expensive or trending fashion.
- Hailing Among Friends Dem:
For group of friends, person fit talk, “Omo, your steeze na die!” E mean say the pesin no dey force di vibe but him personal style make sense. - Public Event:
For party or event, if dem notice pesin wey dey calm and get better fashion sense, you fit hear, “That babe get steeze,” wey show say her behaviour make sense and Dem like her style. - Dem fit still hail pesin talk say, “Your steeze dey burst my brain,” e mean say their style dey blow mind and e dey motivate.
