Di Lagos State Police Command don share update about new kidnapping trend wey dey go on for Lagos State. This new trend na wetin di command describe as “Constructive kidnapping”, and na ladies be di main target.
This constructive kidnapping na trend wey di kidnappers de act like social media friends for their victims, come make di victims fall in love with them.
So far di trick don work and them don kidnap 16 ladies. Luckily for di ladies, police don rescue them.
Constructive kidnapping trend on social media
After catching di kidnappers, di commissioner for Lagos State Police Command, CP Olawale Ishola, explain how them de take run their trick.
Him talk sey na since September 2024 and January 2025 them discover this trend.
According to CP Ishola, di kidnappers go start by tagging their victims for social media posts, them go try to form friendship with them.
Once di victims don relax, them go invite them make them come visit them for Lagos as lovers.
Over N2.23trn was paid as ransom to kidnappers in Nigeria between May 2023 and April 2024
1. North-west: N1.17trn
2. North-central: N469.74bn
3. South-west: N248.78bn
4. North-east: N166.14bn
5. South-south: N90.05bn
6. South-east: N85.44bn<NBS/ CESPS 2024>#TheCableIndex pic.twitter.com/cKkTaFZl1c
— TheCableIndex (@thecableindex) January 13, 2025
Kidnappers send ₦500,000 to victims
Di command continue to explain di trick wey di kidnappers de use to lure their victims. One very unusual way na sey di kidnappers de send up to #500,000 and even pay for their flight tickets to visit them for Lagos.
When the victims reach Lagos, di kidnappers go carry them go lodge for 5 star hotel seize their phones and transfer money from their accounts.
After transferring di money, them go call di family members of di victims to ask for ransom.
Alleged kidnapped 14-year-old found with boyfriend and baby
In other news, di command talk about one 14y/o kidnapped girl wey them find for her boyfriend house with pikin.
According to do command chief, them report case of a missing 14y/o on January 8,2025.
Di complaint wey be di mother of di girl talk sey her daughter, Anuoluwapo Victoria leave house no come back. Later on January 9, 2025, one unknown number send account number make them pay ransom inside.
Them don send some money into di account before police find di girl go her boyfriend house where she dey with pikin.
