Only 14 days into di new year, news don break out sey some members of di Boko Haram terrorist group don kill 40 people for Borno State, and kidnap others.
Di report talk sey, at least 40 farmers die for new Boko Haram attack for Dumba community Kukawa Local Government Area, Borno State.
This attack wey them suspect sey na members of di Boko Haram terrorist group and do Islamic State of the West African Province (ISWAP) do am, happen around 4:30 pm on Sunday and so far, 40 people lose their life and many others still de miss.
🚨🇳🇬AT LEAST 40 FARMERS KILLED IN TERRORIST ATTACK ON BORNO STATE, NIGERIA
They were killed in Nigeria’s Dumba community, Borno State, by suspected Boko Haram and ISWAP militants.
Sources: Reuters pic.twitter.com/HXa5y8dgBn
— Mario Nawfal (@MarioNawfal) January 13, 2025
Di Borno State commissioner for Information an Internal Security, Prof. Usman Tar confirm this attack inside one statement wey him release for Monday, January 13, 2025.
“Investigation for di attack don start and so far, reports talk sey about 40 farmers die for di attack while many others still de miss. We don de try make some people wey escape di attack reunite with their families”.
Chibok church set ablaze
This attack on Dumba community happen 24 hours after them kill 2 people and born church for Chibok Community in di Southern part of Borno State.
Di community talk sey di state governor, Babagana Zulum condemn di attack and him don call military make them track and clear di people wey de operate for Dumba and other communities around Lake Chad area.
Some people talk sey di victims of di attack move past di security mark wey them mark around communicate to prevent di residents from entering Boko Haram or ISWAP enclaves.
