In di early hours of Monday, January 27, di Federal Capital Territory (FCT), Police Command receive one distress call from an unknown number reporting di case of abduction in Chikakore community in Bwari Area Council.
One security guard for di area report sey, kidnappers been carry four family members for di area in around 1:00 am.
According to di security guard, “Na in di morning di attack happen, but for now, na only four people we know sey them kidnap”.
FCT Police Command confirms kidnap of four persons
Confirming di news, di FCT Police Public Relations Officer, Josephine Adeh confirm di news.
In one statement released on Monday, Adeh talk sey, di suspects been dey around seven and then disguise as vigilante members when them enter di community before abducting di victims.
“On January 27, 2025, around 1:00 am, FCT Police Command receive one distress call about a kidnap and assault case in Chikakore community. Di FCT Police Command sharply deploy operatives to di scene.
Some investigation been happen and them discover sey na seven unknown gunmen wey disguise as vigilante members with machete, sticks go attack di victims’ residence.
Di suspects been deceive di victims to open him gate, after which them kidnap am with three other members of him family.”
Adeh continue to talk sey, one of di neighbors wey try to help di victims been sustain serious injuries and them don rush am go Kubwa General Hospital for treatment.
FCT Police launches Search and Rescue Operation for kidnapped victims
Adeh don update di general public sey them de carry out investigation for di matter and them don launch search and rescue operation for di victims.
She urgent di public and members of di community sey if anyone get useful information wey go help di investigation, make them no hesitate to reach out to them.
“Di FCT Police Command de call on residents of Chikakore community and general public make them remain calm and vigilante. Make them report any useful information wey go assist di investigation and rescue effort “. She conclude.
