One TikTok challenge wey almost everybody dey participate for am na this Esther-Blish challenge.

Inside this challenge, them go first show some throwback pictures of people the time wey sapa still dey choke them.

These photos go de play as slideshow with one background voice.

Esther was black and broke, but when Esther see money estherblish 😍😍😍 pic.twitter.com/onklhRJ0vC

— Ajärä (@_Ajara_) May 5, 2024

For the background voice, you go hear sey, Esther was black and broke, but when Esther see money Esther-Blish.

The Esther-Blish sound go now show after the person don blow, or when them don tush up pass their old self.

This kind challenge de always happen almost every year, and na different sounds them de take do the challenge.

This year na the Esther-Blish sound them take do the challenge with am.