Christmas don dey near small small and some people don start do contribution for Detty December, other people still dey wonder wetin Detty December mean.
Before we talk about the meaning of Detty December, make we first remember sey life no de end for December. If you finish all your life savings for dorime, January go long pass third mainland bridge for your eyes.
Meaning of Detty December
This Detty December slang start since 2019 and since then, Nigerians still they use am whenever Christmas de near.
As the e sound for ear, na so e mean. Detty December na slang wey mean sey plenty dorime go happen for the coming December.
December wey wan detty na from October you go know🤌🏿 pic.twitter.com/kuFStOR9EU
— 𝐋𝐚𝐍𝐨 𝐨𝐟 𝐂𝐚𝐋𝐢🕊️ (@LaNo_Twits) October 7, 2024
Na during December all the Odogwu Malay and China de come with their doings. Some of them the disappear immediately after them spend their money finish, only to come again the next December.
During Detty December, all the hangouts places the full with Odogwus and Sabi girls wey no de carry last.
Of you de plan for Detty December, e good make you remember sey January get 150 days inside, so if you carry all your salary use do Detty December, na otilor be your name.
