Gist wey de travel round be sey, Tapswap, a trending cryptocurrency don block Nigerians from mining. Whether true or false, Nigerians don find another alternative, which na to use Virtual Private Network alias VPN to continue mining.

After some people cash out from mining NOTcoin, many Nigerians come realize sey true true, crypto no be scam. Na so dem start to de mine Tapswap so tey e turn to Tapswap frenzy. To mine Tapswap, the miners go de tap the screen of their phones and some coins go de drop de add. Na so plenty people come start to de mine am.

But of recent many people come discover sey their Tapswap no de open again. Dem go refresh their telegram where all the mining de happen, dem go restart their phone yet nothing. Naim some people come suspect sey them ban Nigerians from the App. These people come go the social media wey them de call X, go tweet sey na as Nigerians abuse the app naim dem band them.

One person for X wey talk this thing na #gentl_introvert, him talk sey

“Nigerians indeed abused #Tapswap. Now it has been banned in Nigeria. But why is it that any good thing that enters Nigeria must be banned? Could this be blamed on the government or Nigeria as a whole?”

Some people wey oil dey their head come de ask meaningful questions if true true sey Tapswap block Nigerians or na our usual network issues. Na so Tapswap come hear all this complain come respond sey no be sey them wan wicked Nigerians but based on some attacks wey de commot from the region, them put the restrictions so that everybody go adjust. See wetin them talk:

“Dear Nigerian community, we’ve heard concerns about limiting access to users from your country, but we want to clarify that this is not the case. We had to enable verification for the region from where DDoS attacks were initiated. As promised, we will disable this once our infrastructure is fully adapted.

“We deeply appreciate every member of our community from all around the world and always welcome you here. Thank you for your understanding and support.”