Abi national grid don collapse again? Na the question wey many Nigerians de ask this evening when Power Holding Company of Nigeria PHCN alias NEPA been carry light be this.
According to some tweets from Nigerians, the way them take carry de light dey one kind, e no dey like the normal way wey them de carry light. Them come begin wonder whether na national grid collapse as usual.
What is National Grid in Nigeria?
We don de hear about National grid for some time now but no be everybody sabi wetin e be, and wetin them de do. National grid na one power distribution system wey them put together to share light round the whole country.
Na national grid de connect the generation stations where them de produce electricity, to all the load wey de use electricity for the country.
Inside this power distribution system you go find generation stations where them de produce electricity, transmission companies wey the collect electricity from the generation stations, and distribution companies wey the carry the light in small small portions give consumers wey the use the electricity run one or two.
National grid has collapsed.
The country is in darkness.
A so-called giant of Africa.
See what tribalism, corruption and inefficiency have done to Nigeria.
Shameful!
— Inibehe Effiong (@InibeheEffiong) October 14, 2024
What Makes National Grid To Collapse
Na different things de make national grid collapse and some of the reasons na when the system no dey stable, when gas wey them de use run the machines no dey enough, or one or two faults for the machines.
The system dey big sotey, you no fit guess when e fit happen or not. But when e happen, the whole system dey shutdown and e go take some time to fix am.
National Grid Collapse
In addition to the speculation wey Nigerians don de speculate for social media already, news blog @gazettengr post for Instagram sey, distribution companies around the country don talk sey them no receive light from transmission companies since around 7 pm when the light off.
As e be like this, na the 6th time wey national grid go collapse under this T-pain era be this. Inside this year alone, national grid don collapse reach 6 times and year never end.
