One of di biggest Smartphones and iPhone’s number one rival, Samsung dey hold their unveiling event today titled Samsung Unpacked 2025.
Di aim of this event is to unveil and showcase their anticipated Smartphones, Tablets, Watches and other mobile gadgets for 2025.
Meaning of Samsung unpacked
Big brands like Samsung get big doings. Them no de hide launch their products especially di best of them. Na why something like Samsung Unpacked de exist.
Tomorrow is a big day for the tech world 🤙🏾 super excited to experience #SamsungUnpacked at 8pm tomorrow, the 22nd of January. 🥳🤩 signing up is super easy! Register here: https://t.co/ma6gnKrQ49#GalaxyUnpacked #GalaxyAI #AD pic.twitter.com/OA53dh19Uc
— Reba (@_RebaS) January 21, 2025
For this event, Samsung dey use am launch their newest product, di Samsung Galaxy S25 series following closely to Samsung S24 Ultra.
This Samsung Unpacked event na event wey don dey around since 2009 even before Samsung start to de produce di S series. Samsung create this event specially for launching their big products.
How to Watch Samsung Unpacked 2025
If you be die-hard Samsung lover, congratulations as your brand don bring another machine for your pleasure.
For you not to miss out on wetin go de sup for di event, Samsung don make provision for their fans around di world make them sef participate for di Samsung Unpacked 2025.
Samsung go stream di event live for their official website and also their YouTube channel.
What to expect
With Samsung, you gats expect plenty surprises as them no de do plenty shalaye, evidence full ground.
This time around too, Samsung don promise to raise di bar for other phone brands especially with their Galaxy Ai feature wey go improve di experience wey Samsung users go get with their phones.
According to Samsung, them go introduce three variations of di S25 series as Galaxy S25, Galaxy S25 plus and Galaxy S25 Ultra.
