One other sweet thing about Nigeria be sey, as the jollof rice take sweet, na so the slangs take sweet. And na every day we dey hear different Nigerian slangs for internet.
One example of the slangs na “ yinmu “. If you dey very active for social media especially Twitter and Instagram, you for don come across this slang many times for inside comments section.
Sotey yinmu don get e own personal sticker/meme wey if person send give you, you go just understand the meaning of the sticker.
What does Yinmu mean?
But no be every body understand wetin e really mean, since no be English word e be.
Inside the sticker, them use one Nollywood veteran actress wey squeeze her mouth and her nose like sey something de smell am.
The English explanation for yinmu na sneer. And na when person de talk something wey no too make sense, or them de do eye service na that time them de use “yinmu” to show sey them no gree with wetin the person talk.
