‘You dey whine me’ slang no new for Nigerians side. Dis na one of the oldest Nigerian slangs wey don stand the test of time.
And we no too sure how e take start or who start am, but the first time wey the slang begin trend na since 2022 for one song wey trend that time. The title of the song na “shey you de whine me ni” by one Ogoni musician, Emmanuel Austine.
Since after the song, “you de whine” and “you dey whine me” don trend in different forms and depending on how you put am, e fit mean different things.
Everything is ok when you in front of my camera. 🤩 December we attack. Shey you Dey whine me ni!!! pic.twitter.com/4jRVse0vqZ
— TG OMORI (@boy_director) November 26, 2022
You de whine Vs. Shey you de whine me ni?
Even as them take resemble each other, them no really mean the same thing like that. “You de whine”, get him own meaning different from “shey you de whine me ni?”
“Shey you de whine me ni?” this one na the first one wey trend for 2022. And the simple meaning for English be say, na to flatter person or to drag person leg.
Meanwhile, you de whine na the newer version wey still dey reign. This one fit mean the same thing with shey you de whine me ni, that is, you de pull person leg.
Another meaning of “you de whine” dey very close to “just dey play”. And them no de use am as question wey need answer, na just exclamation.
