If you grow up for typical Nigerian ghetto, you fit sabi one or two slangs like lap, just by hearing them. But if you be aje-butter wey no grow for hood, some of these Nigerian slang go sound like oyinbo for your ear.
Social media don manage bring out some of the slangs sotey, even if you no grow for hood, you suppose sabi one or two.
In summary to lap for person crib or yard na to go person house.
Because say I no get money,you say you de like chop before you lap my crib. pic.twitter.com/0Vf4ouFFdM
— Phaitful_phait🌻 (@Phaitful_phait) March 10, 2021
Na mostly men de like use lap when them de talk to their friends.
You fit hear two guys wey be friends de talk sey make them lap somewhere. Wetin them want talk be sey, make them go somewhere.
Hearing lap for the first time you go think sey na body part or to carry person for your laps. But for street language, e simply mean to show for person crib.
